May pagkakataon bang may kailangan kang bilhin sa botika, pero wala kang pambili? Mahirap ang ganoong sitwasyon, pero isa itong bagay na alam na alam ng ibang taong may mababang kita. Ang mga dual na planong pangkalusugan ay para sa mga taong may Medicaid at Medicare. Maraming dagdag na pakinabang at tampok na kasama sa mga planong ito na makakatulong para mas maging maginhawa ang pamumuhay. Ang isa sa mga pinakakilalang pakinabang ay ang kakayahang makakuha ng mga over-the-counter na gamot at iba pang item na pangkalusugan nang wala kang gagastusin. Malaki ang maitutulong nito sa iyong badyet at sa iyong kalusugan.

May kasamang mga credit para sa produktong pangkalusugan sa karamihan ng mga dual na planong pangkalusugan. Sa halip na magbayad ng cash, maaari mong gamitin ang iyong mga credit sa pagbili ng mga aprubadong item na pangkalusugan. Kung mayroon kang dual na planong pangkalusugan, maaari mong gamitin ang iyong mga credit para sa mga produktong pangkalusugan upang bumili ng iba't ibang item na pangkalusugan na maaaring kailangan mo. Kapag nagbayad ka gamit ang mga credit, wala kang gagastusin. 

• Mga antacid, aspirin, cough drop at iba pang over-the-counter (OTC) na gamot.
• Mga sepilyo, toothpaste, denture cream at tableta.
• Mga item para sa pangangalaga ng mata at tainga.
• Mga wipe na panlinis, benda at gamit para sa first aid.
• Mga thermometer, monitor ng presyon ng dugo at higit pa.

Sa karamihan ng mga dual na planong pangkalusugan, makaka-order ka ng mga produktong pangkalusugan sa pamamagitan ng catalog. Maaari ka ring mag-order sa pamamagitan ng telepono o online. Ipapadala sa iyo ang mga item sa pamamagitan ng mail. Maaari ding bigyan ka ng debit card sa ilang dual na planong pangkalusugan. Kung bibigyan ka nito, magagamit mo ang iyong debit card sa mga kalahok na retail na tindahan na gaya ng karaniwang debit card.